Årsplan 2024-25

Våre verdiar 

• På SFO er det trygt å vere. 
• Vi har det gøy. 
• Vi gjer kvarandre gode. 
• Vi spør om tilgiving og vi tilgir. 
• Vi inkluderer alle.   

 
Kva tydar det i praksis? 
På SFO er det trygt å vere: 

• Alle barna i SFO har rett til eit trygt og godt miljø som fremmer helse, trivsel og læring, jf. opplæringslova § 9 A-2.  
• Alle barna skal oppleve seg sett og høyrt. 
• Alle barna skal oppleve rettferd og at den enkelte er verdifull. 

Vi har det gøy: 

• Dei vaksne legg til rette for god og variert leik. 
• Barna skal oppleve meistring og glede gjennom å prøve nye ting.  
• Barna får utfalde seg kreativt på ulike arenaer. 

Vi gjer kvarandre gode: 

• Vi heier på kvarandre med gode ord. I konkurranse og når det ikkje er konkurranse. Når vi tapar og når vi vinn.  
• Vi oppmuntrar. 
• Vi gir trøyst når nokon treng det. 
• Vi lar den andre få prøve først.  

Vi spør om tilgiving og vi tilgjev andre:  

• Når nokon blir lei seg er vi rask med å seie unnskyld og be om tilgiving.  
• Når andre spør om tilgiving er vi rask med å gi det. 
• Vi reparerer venskapen. 

Vi inkluderer alle: 

• Vi bryr oss om kvarandre og ser til at ikkje nokon blir ståande åleine.  
• Det er alltid plass til fleire i leiken.  

 
Tidsplan for SFO- dagane: 
13:15 
Mat 

13:45 
Utetid 

15:00 
Inneaktivitetar 
Ved endring eller når det skjer noko utanom det vanlege, kjem det beskjed frå SFO.  
 
SFO-base 
SFO har morgen tilbudet på klasserommet inn til venstre. Ettermiddag-SFO deler vi i to grupper. 1.-2. trinn er på klasserommet inn til høyre. 3.-4. trinn brukar same rom som om morgenen. Vi har fleire aktivitetar vi tilbyr barna, blant anna: fysisk aktivitet/leikar ute og inne, spel og ulike former for hobbyaktivitet. Mest av alt legg vi til rette for den viktige frie leiken som barn treng. 
 
Måltid: 
Barna må ha med ekstra niste til SFO ettermiddagen. Vi supplerer med å serverer frukt kvar dag.
 
Ved henting: 
SFO-personalet må alltid få vite at barnet er henta. Vi ynskjer og å lære barna at vi seier “takk for i dag” og “ha det bra” når vi går heim.  
Barnet skal aldri hentast av nokon andre enn dei som er oppgjeven av føresette, dersom det ikkje føreligg skriftleg/munnleg beskjed frå føresette. Dette gjeld og når barnet skal vere med andre barn heim. Då må føresette til barnet informere SFO om dette så snart dei veit det.  
Det er mogleg å gjere avtaler om at barnet skal få gå heim til ein fast tid. Då vil SFO-personalet syte for at barnet får med seg tinga sine og gi beskjed heim når noko manglar.  
Vi ønsker ikkje at barnet skal få bli lenger på SFO etter at det er henta. Nokre barn vil ikkje bli henta, og dei færraste føresette har moglegheit til å kome att om ein time når barnet vil vere lengre på SFO. Derfor gjer vi det likt for alle. Når ein er henta, så er ein henta. 
Vi vil lære barna å halde orden i tinga sine. Ved henting skal den som hentar hjelpe barna med dette. Ingenting skal stå på golvet og alle kle skal vere på rett plass. Innesko skal opp på hylla.  

Opningstider 
SFO er open frå kl 07.30 til skulestart, og frå skuleslutt til kl 16.30. 
Skulestart kl 08.30 
Skuleslutt kl 13:15 mandag-fredag.  
   
SFO følgjer skuleruta. 
 
SFO-tilbod i feriar:  

• 2 veker før skulestart i august, oppstart 5. august 2024. Vi har planleggingsdag mandag 12. august. Da er SFO stengt. 
• Ei veke etter skuleslutt i juni, siste opningsdag er fredag 27. juni 2025. 
• Haust- og vinterferie.  

 

• SFO held stengt jul, påske, inneklemte dagar ved Kristi Himmelfartsdag, 1. mai og 17.mai, og to planleggingsdagar utover dette. Den eine er 12. august 2024.

Opningstid i ferier er kl 08:00-16:30. Ein melder seg på til desse vekene/dagane skriftleg til SFO-leiar, Ellen Lillevold. 

Pris og tilbod 
Frå hausten 2024 gjeld følgjande prisar og opphald i SFO:  
5 dagar i veka med skuleferiar  (betaling 11 mnd.) kr 3500,-  
5 dagar i veka utan skuleferiar (betaling 10 mnd.) kr 3500,-   
3 dagar i veka med skuleferiar (betaling 11 mnd.) kr 2400,-   
3 dagar i veka utan skuleferiar (betaling 10 mnd.) kr 2400,-    
 
Kjøp av feriedagar eller enkeltdagar kr 350,- 
Frukt-pengar 50,- pr månad kjem i tillegg.  
 
Søskenmoderasjon: 25% rabatt for barn nr 2. 
Frå hausten 2024 utvidar ein ordninga med 12 timar gratis SFO til alle på 1., 2. og no også 3. trinn. Det vil sei at ein får trekt frå prisen per time tilsvarande dette:  
kr 3500 - 1980 = å betale: kr 1520,- pr månad 
kr 2400 - 1980 = å betale: kr 420,- per månad 
 
Søknad om plass, oppseiing og endring 
Oppseiingstida er to månadar rekna frå den 01. i påfølgjande månad. Dette gjeld også ved reduksjon av plass. Oppseiing og søknad om endra opphaldstid gjerast same plass som når ein søker om SFO-opphald. Lenke finn ein på nettsida til skulen.  
 
Spørsmål sendast til SFO-leiar, Ellen Lillevold. 
e.lillevold(a)morealesund.no ​

§ 13-7.Skulefritidsordninga 
​Kommunen skal ha eit tilbod om skolefritidsordning før og etter skoletid for 1.-4. årstrinn, og for barn med særskilte behov på 1.-7. årstrinn.
Skulefritidsordninga skal leggje til rette for leik, kultur- og fritidsaktivitetar med utgangspunkt i alder, funksjonsnivå og interesser hos barna. Skulefritidsordninga skal gi barna omsorg og tilsyn. Funksjonshemma barn skal givast gode utviklingsvilkår. Areala, både ute og inne, skal vere eigna for formålet.
Skulefritidsordninga skal ha vedtekter om

• Eigarforhold
• kven som er opptaksmyndigheit
• opptakskriterium
• opptaksperiode og oppseiing av skolefritidsplassen
• foreldrebetaling
• leike- og opphaldsareal
• dagleg opphaldstid og årleg opningstid
• bemanning og leiing

Når skulefritidsordninga er knytt til skolar, skal rektor til vanleg vere leiar. Departementet kan gjere unntak frå kravet.
Kommunen kan krevje utgiftene til skulefritidsordninga dekte gjennom eigenbetaling frå foreldra.
For krav om politiattest gjeld reglane i § 10-9.
Kommunen kan nytte andre til å oppfylle plikta til å ha eit tilbod om skulefritidsordning, dersom dei elles oppfyller vilkåra i denne paragrafen. Kommunen fører tilsyn med private skulefritidsordningar.




​
Årsplan for 2025-26 finn du her.